منتديات المنشد المتالق مروان حاجي

    مواقف بعض البنات في شهر العسل

    شاطر

    محبة النشيد الاسلامي
    عضو فعال
    عضو فعال

    انثى عدد الرسائل : 60
    العمر : 26
    مزاجي :
    علم بلدي :
    تاريخ التسجيل : 26/09/2008

    وجه ضاحك مواقف بعض البنات في شهر العسل

    مُساهمة من طرف محبة النشيد الاسلامي في الخميس 11 ديسمبر - 4:36

    بسم الله

    أولاً
    تقول الاخت زياراتها للمطاعم مع اهلها كانت قليله
    المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو
    بس تكفى لايحط فلفل
    زوجها تسدح من الضحك وهي تقول احسبها وجبه او طبق معين
    ==========================
    ثانياً
    في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
    وش سوت راحت على طاولت الكوي وانسدحت وهاتك يا كوي بهالشعر
    وبرضه زوجها سوالها صادوه يوم دخل واختنا في الله تكوي منسجمه
    الرجال انهبل على باله تزوج وحده ماهي صاحيه
    ===========================
    ثالثا
    وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
    وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
    مير تطير الزيتونه وتصقع وجه الجرسون وهو ياخذ الطلبات
    قام قال عنا في لبنان ناكل الزيتون بايدنا
    عاد مير ما اسكت وأنثبر
    قلت غريبه حنا عنا بالسعوديه نصيدها بالشوكه
    وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
    ===========================
    رابعا
    وحده تقول انا متزوجه ولد عمي
    و أول ما تزوجنا رحنا بريطانيا منها شهر عسل ومنها هو عنده دوره
    المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
    تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
    قلت ليش طايحه من عينك انا اعرف اختار المهم تقول اخترت طلب محطوط في اطار وحركات
    قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
    تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
    ============================

    خامسا
    يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
    زوجك أمزحي والعـبي واضحكي معه قالت ما أقدر المهم طولوا عليها بالكلام
    وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
    الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها
    سادسا
    بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
    ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
    ابغى دورة المياه احسن من كلمة الحمام
    تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
    =============================
    سابعا
    هذي وحده تقول اول ما تزوجت كنت ادرس وكان يوديني زوجي للجامعه وياخذني
    المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
    يوم وصل عندي وانا امشي بغنج الا واطيح ذيك الطيحه طراااااااااااااااااااااخ
    جلست على ألارض ما يشوف الا راسي من عند شباكي جالسه اناظره ولا اتحرك
    وكان الشارع مليان رجاجيل وبنات
    واركب في السياره وهو ميت من الضحك واجلس اصيح قلت ما تعرف تسمي علي

    ==============================
    وأخيراً
    هذا الموقف قرأته بمجله وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد
    مرور سنة طاحت بنفس المكان قالها عمى ما تشوفين
    .
    avatar
    nour
    مراقب عام
    مراقب عام

    انثى عدد الرسائل : 624
    علم بلدي :
    تاريخ التسجيل : 09/01/2008

    وجه ضاحك رد: مواقف بعض البنات في شهر العسل

    مُساهمة من طرف nour في الخميس 11 ديسمبر - 15:00

    هههههههههههه مواقف مضحكة مشكورة اختي ..
    avatar
    الفراشة الذهبية
    عضو متألق
    عضو متألق

    انثى عدد الرسائل : 182
    العمر : 24
    مزاجي :
    علم بلدي :
    تاريخ التسجيل : 26/02/2008

    وجه ضاحك رد: مواقف بعض البنات في شهر العسل

    مُساهمة من طرف الفراشة الذهبية في السبت 24 يناير - 9:35

    ههههههههههههههه
    مواقف جدا طريفة

    محبة النشيد الاسلامي
    عضو فعال
    عضو فعال

    انثى عدد الرسائل : 60
    العمر : 26
    مزاجي :
    علم بلدي :
    تاريخ التسجيل : 26/09/2008

    وجه ضاحك رد: مواقف بعض البنات في شهر العسل

    مُساهمة من طرف محبة النشيد الاسلامي في الأحد 25 يناير - 3:56

    اهلا فيكم نورتوا صفحتي المتواضعة بارك الله فيكم
    avatar
    اشرف
    عضو فعال
    عضو فعال

    ذكر عدد الرسائل : 66
    العمر : 26
    علم بلدي :
    تاريخ التسجيل : 26/02/2008

    وجه ضاحك رد: مواقف بعض البنات في شهر العسل

    مُساهمة من طرف اشرف في الخميس 5 فبراير - 12:10

    بارك الله فيك اختي وجزاك الله خيرا هههههههههههههههههههههههه

    محبة النشيد الاسلامي
    عضو فعال
    عضو فعال

    انثى عدد الرسائل : 60
    العمر : 26
    مزاجي :
    علم بلدي :
    تاريخ التسجيل : 26/09/2008

    وجه ضاحك رد: مواقف بعض البنات في شهر العسل

    مُساهمة من طرف محبة النشيد الاسلامي في الأربعاء 24 يونيو - 9:56

    و اياك يا اخي اشرف نورت صفحتي المتواضعة ان شاء الله استمتعتوا

      الوقت/التاريخ الآن هو السبت 23 يونيو - 19:36